السبت، 9 أكتوبر، 2010

أعــذريـنــــى !


أعذرينى بحلم أهاجر .. أسافر.. ألف كل العالم وكل الأماكن .. يمكن لما أبعد عنك
أشتاقلك .. وأفكر من تانى أرجعلك وأسكن حضنك لكن بالوقت الحالى أنا فعلاً
تعبت منك .. ومن ظلمك! لو كنتى كرهانى ليه أسمك وطنى وفيكى كل أهلى وأصحابى
وأحبابى وخلانى ! ليه كل ما أقرب منك ميل تبعدى عنى بالألف ميل ؟ ليه كل
ما أجى أحبك تظلمنى ..تكسرينى .. وتخلينى أقرر فعلاً أفارقك !

فاعذرينى لو رحلت ولو شكيت منك لطوب الأرض فعلى قد شكوتى على قد محبتى ليكى ما أنتى أمى .. أرضى فيكى أتولدت وكبرت على أراضيكى .. فيكى فتحت عينى على شمسك وسهرت ياما مع قمرك وغنيت مواويل كتير مع نيلك وليلك ..

فيكى رسمت أحلامى الكبيرة .. فيكى نزلت أول دمعة من عيونى البريئه .. فيكى أترسمت أول ضحكه صافيه منى لما كنت طفلة صغيرة .. فيكى أتخيلت .. وأستنيت شريك حياتى ي إبن بلدى ما قلبه أكيد حته منك.. أتربى زيى على حبك .. وأتمنى دايماً يسكن بقربك ومهما كنتى بتقسى علينا .. بتظلمينا .. وكتير فى حبك ضيعتينا وفرقتينا وحولتى كل أحلامنا لأوهام .. لسراب .. بنبكى عليها ليل .. نهار....

بجد منك زعلتينا وخلتينا ننسى كل ذكريات العمر الجميله معاكى ونفتكرلك كل ذكرى مريرة فسامحينا ولا تعاتبى فينا فوداعك والله كان على عنينا ويوم ما تصالحينا.. تنادى بس علينا هتلاقينا جرينا جرى عليكى وضمناكى فى حضننا قبل ما أنتى تضمينا ! بس عايزك تبقى فاكرة إننا مكنش فعلاً بأيدينا وأن القلب قبل العين بيبكى كل ليله! و فراقه عنك وعن كل أحبابه عشان خلاص ما باليد حيلة !





هناك 15 تعليقًا:

  1. gamda ya baaaaaaaaaaaaky
    nice words

    ردحذف
  2. جميلة ياباكى
    بس رغم كل حاجة حاصلة وبتحصل وهتحصل مش هنعرف نبعد عنها
    بنحبها

    ردحذف
  3. لو كل واحد مننا اتمنى مره انه يسافر و يسيبها و حلمه اتحقق .؟؟ كانت مصر فضيت من كل اللى بيحبوها بجد و ما بقاش فيها الا بينهشوا فى لحمها و يهتكوا عرضها و يسرقوا ارضها و يلوثوا مايتها و ويحلفوا كدب بحبها ... محمد توفيق ...

    ردحذف
  4. حلوة اوى بجد بتعبر على كل حاجة فى حياتنا

    ردحذف
  5. بجد منك زعلتينا وخلتينا ننسى كل ذكريات العمر الجميله معاكى ونفتكرلك كل ذكرى مريرة فسامحينا ولا تعاتبى فينا فوداعك والله كان على عنينا ويوم ما تصالحينا.. تنادى بس علينا هتلاقينا جرينا جرى عليكى وضمناكى فى حضننا قبل ما أنتى تضمينا ! بس عايزك تبقى فاكرة إننا مكنش فعلاً بأيدينا وأن القلب قبل العين بيبكى كل ليله! و فراقه عنك وعن كل أحبابه عشان خلاص ما باليد حيلة !

    ردحذف
  6. جامده جدا ودا رد على اى حد فاكر ان كل واحد متغرب ان دا بايده ان يبعد عن كل اللى ليه هنا وعن اهله وحبايبه بجد بجد لو بايديهم عمرهم ما يفكرو لحظه فى كدا وبجد روعه

    ردحذف
  7. المشكله ان الاحساس ده بقى جوانا كلنا
    وبكلماتك معبرة عن كل الاحساسي ده
    كلماتك معبرة

    ردحذف
  8. صحيح بنحبها بس لازم حبنا ليها يكون فعال عشان نحليها في عيون العالم
    وكل واحد مش منها يتمنى لو كانت وطنه
    وكل واحد حس ف يوم انه حزين عشان بينتمي ليها يرجع يموت فيها
    وانا واحده من الحزانى عليها

    ردحذف
  9. تحياتى للجميع سعيده برأيكم وأتمنى متابعه بلوج يوميات بنوتة.. باكينام اسماعيل

    ردحذف
  10. شكرا على الموضوع المتميز
    Dank Thema Wohnungsräumung

    ردحذف